Advertisements
Advertisements
प्रश्न
अण्णा पाटील (ठाणे, महाराष्ट्र) यांनी 14,000 रुपये करपात्र किमतीचा एक व्हॅक्युम क्लिनर वसई (मुंबई) येथील एका व्यापाऱ्यास 28% GST दराने विकला. वसईतील व्यापाऱ्याने ग्राहकास तो व्हॅक्युम क्लिनर 16,800 रुपये करपात्र किमतीस विकला, तर या व्यवहारातील खालील किमती काढा.
- अण्णा पाटलांनी बनवलेल्या कर बीजकात केंद्राचा व राज्याचा कर किती रुपये दाखवला असेल?
- वसईच्या व्यापाऱ्याने ग्राहकास केंद्राचा व राज्याचा किती कर आकारला असेल?
- वसईच्या व्यापाऱ्यासाठी शासनाकडे करभरणा करावयाचा केंद्राचा देय कर व राज्याचा देय कर किती येईल ते काढा.
उत्तर
1) अण्णा पाटील यांसाठी:
आऊटपुट टॅक्स = 14,000 चे 28%
`= 28/100 xx 14,000` = ₹ 3,920
∴ केंद्राचा कर = राज्याचा कर = `"देय कर"/2 = 3920/2` = ₹ 1,960
∴ अण्णा पाटलांनी दिलेल्या कर बीजकातील केंद्राचा व राज्याचा कर प्रत्येकी ₹ 1,960 आहे.
2) वसईच्या व्यापाऱ्यासाठी:
आऊटपुट टॅक्स = 16,800 चे 28%
`= 28/100 xx 16,800`
= ₹ 4,704
∴ केंद्राचा कर = राज्याचा कर = `"देय कर"/2 = 4704/2` = ₹ 2,352
∴ वसईच्या व्यापाऱ्याने ग्राहकास केंद्राचा व राज्याचा कर प्रत्येकी ₹ 2,352 आकारला आहे.
3) इनपुट टॅक्स क्रेडिट = 14,000 चे 28%
`= 28/100 xx 14,000` = 3,920
इनपुट टॅक्स क्रेडिट = ₹ 3,920
वसईच्या व्यापाऱ्याचा देय जीएसटी
= आऊटपुट टॅक्स – इनपुट टॅक्स क्रेडिट
= 4,704 - 3,920
= ₹ 784
∴ केंद्राचा कर = राज्याचा कर = `"देय जीएसटी"/2 = 784/2` = ₹ 392
∴ वसईच्या व्यापाऱ्यासाठी शासनाकडे कर भरणा करताना केंद्राचा देय कर व राज्याचा देय कर प्रत्येकी ₹ 392 आहे.
APPEARS IN
संबंधित प्रश्न
चेतना स्टोअर्सने 01 जुलै 2017 ते 31 जुलै 2017 या कालावधीत केलेल्या खरेदीवर 1,00,500 रुपये जीएसटी दिला व विक्रीवर 1,22,500 रुपये जीएसटी गोळा केला, तर सदर कालावधीत चेतना स्टोअर्सला भरावा लागणारा देय जीएसटी काढा.
नझमा या जीएसटी कायदाअंतर्गत नोंदणीकृत दुकानाच्या मालकीण आहेत. त्यांनी खरेदीवर एकूण जीएसटी 12,500 रुपये दिला होता व विक्रीवर एकूण जीएसटी 14,750 रुपये गोळा केला आहे, तर त्यांना किती रुपये इनपुट टॅक्स क्रेडिट मिळेल व त्यांचा देय जीएसटी काढा.
अमीर एंटरप्राइझने चॉकलेट सॉसच्या बाटल्या खरेदी करताना 3800 रुपये जीएसटी भरला आणि त्या अकबरी ब्रदर्सला विकताना 4100 रुपये जीएसटी गोळा केला. मयंक फूड कॉर्नरने अकबरी ब्रदर्सकडून त्या बाटल्या 4500 रुपये जीएसटी देऊन विकत घेतल्या, तर प्रत्येक व्यवहारात देय जीएसटी काढा. त्यावरून प्रत्येकाला भरावा लागणारा केंद्राचा देय कर (CGST) व राज्याचा देय कर (SGST) काढा.
चंदीगढ हे संघराज्य आहे. येथील मलिक गॅस एजन्सीने काही गॅस टाक्या 24,500 रुपयांना खरेदी केल्या व तेथील ग्राहकांना 26,500 रुपयांना विकल्या. या व्यवहारात 5% दराने देय असलेला एकूण जीएसटी काढा व त्यावरून केंद्राचा देय कर (CGST) व संघराज्याचा देय कर (UTGST) काढा. (संघराज्यात SGST ऐवजी UTGST असतो.)
खाली दिलेल्या माहितीवरून एका व्यापाऱ्याचे दुसऱ्या व्यापाऱ्यासाठीचे (B2B) टॅक्स इनव्हॉइस तयार करा.
नाव, पत्ता, तारीख इत्यादी तुमच्या पसंतीनुसार घ्या.
पुरवठादार - नाव, पत्ता, राज्य, GSTIN, बिल क्रमांक व तारीख.
प्राप्तकर्ता - नाव, पत्ता, राज्य GSTIN
वस्तूंचा तपशील:
(१) पेन्सिल बॉक्स 100, HSN 3924, दर ₹ 20, GST 12%
(२) जिग सॉ पझल्स 50, HSN 9503, दर ₹ 100, GST 12%
जीवनावश्यक वस्तूंवरील वस्तू व सेवा कराचा दर ______ आहे.
जेव्हा एखादा नोंदणीकृत व्यापारी दुसऱ्या नोंदणीकृत व्यापाऱ्यास वस्तू विकतो, तेव्हा त्याला उएऊ अंतर्गत _____ व्यवहार म्हणतात.
एका तयार कपड्यांच्या दुकानात 1000 रुपये किमतीच्या ड्रेसवर 5% सूट देऊन उरलेल्या रकमेवर 5% GST लावून तो विकला, तर तो ग्राहकाला किती रुपयांना पडेल?
सुरत, गुजरातमधील एका व्यापाऱ्याने 2.5 लाख करपात्र किमतीचे सुती कपडे राजकोट, गुजरात येथील व्यापाऱ्याला विकले, तर या व्यवहारात राजकोटमधील व्यापाऱ्याला 5% दराने किती रुपये जीएसटी द्यावा लागेल?
Z-सिक्युरिटी सर्व्हिसेस देणाऱ्या कंपनीने 64,500 रुपये करपात्र किमतीची सेवा पुरवली. वस्तू सेवा कराचा दर 18% आहे. या सिक्युरिटी सर्व्हिसेस पुरवण्यासाठी कंपनीने लॉन्ड्री सर्व्हिसेस व युनिफॉर्मस् इत्यादी बाबींवर एकूण 1,550 रुपये वस्तू सेवा कर भरला आहे, तर या कंपनीचा (इनपुट टॅक्स क्रेडिट) ICT किती? त्यावरून देय सीजीएसटी व देय एसजीएसटी काढा.
