Question

खालील कवितेच्या आधारे सूचनेनुसार कृति करा:

(१) कामक्रोधरूपी विंचू-इंगळी उतरवण्याचे उपाय: (२)

(य) ______

(र) ______

(२) योग्य पर्याय निवडून विधान पूर्ण करा - (२)

(य) सत्त्व उतारा देऊन, म्हणजे ______.

(अ) जीवनसत्त्व देऊन
(आ) सत्त्वगुणांना आश्रय घेऊन
(इ) सात्त्विक आहार देऊन
(ई) सत्त्वाचे महत्त्व सांगून

(र) ‘विंचू चावला वृश्चिक चावला’, या शब्दांच्या द्विरुक्तीमुळे - ______

(अ) भारूड उत्तम गाता येते.
(आ) वेदनांचा असह्यपणा तीव्रतेने जाणवतो.
(इ) भारुडाला अर्थ प्राप्त होतो.
(ई) भारुड अधिक रंजक बनते.

विंचू चावला वृश्चिक चावला। कामक्रोध विंचू चावला। तम घाम अंगासी आला ॥धृ.॥ पंचप्राण व्याकुळ झाला। त्याने माझा प्राण चालिला। सर्वांगाचा दाह झाला ॥१॥ मनुष्य इंगळी अति दारुण। मज नांगा मारिला तिनें। सर्वांगी वेदना जाण। त्या इंगळीची ॥२॥ ह्या विंचवाला उतारा। तमोगुण मागें सारा। सत्त्वगुण लावा अंगारा। विंचू इंगळी उतरे झरझरां ॥3॥ सत्त्व उतारा देऊन। अवघा सारिला तमोगुण। किंचित् राहिली फुणफुण। शांत केली जनार्दनें ॥४॥

(३) अभिव्यक्ति: (४)

सद्गुण अंगी बाणविण्यासाठी तुम्ही काय कराल ते लिहा.

Answer 1

(१) 

(य) तमोगुण मागे सरणे.

(र) सत्वगुणांचा अंगारा लावणे.

(२) (य) सत्त्व उतारा देऊन, म्हणजे सत्त्वाचे महत्त्व सांगून.

(र) ‘विंचू चावला वृश्चिक चावला’, या शब्दांच्या द्विरुक्तीमुळे - वेदनांचा असह्यपणा तीव्रतेने जाणवतो.

(३) ‘सद्गुण म्हणजे ज्ञान’ असे सॉक्रेटिसचे मत प्रसिद्ध आहे. ऑरिस्टॉटल म्हणतो विवेकशील जीवन म्हणजेच सद्गुणी माणसाचे जीवन होय. सद्गुण हा कृतीमुळे निर्माण होणाऱ्या सवयीचा भाग आहे. त्यासाठी कोणताही सद्गुण अंगी बाणवण्यासाठी आपले चांगले विचार, वाचन आणि चिंतनाची आवश्यकता असते. म्हणून मी अनेक चांगले ग्रंथ वाचून सद्गुण अंगी बाणवण्यासाठी लसा जाणीवपूर्वक प्रयत्न करेन. आपल्यातील दुर्गुण ओळखून तो कमी करणे हा सुद्धा सद्गुण अंगी बाणवण्याचा एक भाग आहे.