Question

थोडक्यात माहिती लिहा.

डाऊन्स सिंड्रोम / मंगोलिकता

Answer 1

डाउन्स सिंड्रोम ही अलिंगी किंवा कायिक गुणसूत्रातील अपसामान्यते मुळे निर्माण होणारी एक गुणसूत्रीय विकृती आहे. ही विकृती मानवाच्या बाबतीत सर्वप्रथम शोधण्यात आली व त्याचे वर्णन केले गेले. या विकृतीला ट्रायसोमी 21 (एकाधिक गुणितता 21) असे म्हणतात, कारण यांच्या पेशीत एकविसावे गुणसूत्र तीनदा असते, त्यामुळे प्रत्येक पेशीत एकूण 47 गुणसूत्रे असतात. अशी बालके मानसिक वाढ खुंटल्यामुळे मतिमंद असतात आणि कमी उंची, पसरट मान, चपटे नाक, आखूड बोटे, आडवी एकच हस्तरेखा, डोक्यावर विरळ केस अशी काही लक्षणे असतात. यांचे अपेक्षित आयुर्मान 16 ते 20 वर्षे असते, म्हणजेच ही अल्पायुषी असतात. चेहऱ्याची ठेवण मंगोलियन व्यक्तींसारखी असल्यामुळे पूर्वी या संलक्षणाला मंगोलिकता म्हटले जात असे, परंतु आता आंतरराष्ट्रीय पातळीवर असे संबोधले जात नाही.