Question

उताऱ्याच्या आधारे सूचनेनुसार कृती करा.

१. कोण ते लिहा. (2)

1.  इसापनीती, पंचतंत्र, अकबर-बिरबल अशा गोष्टी ऐकवणारी - ______
2. “आपण ‘साहस कथा’ शिकूया” म्हणणारी - ______

सुश्रुत:	तुम्ही सगळे कोण आहात?
कथा:	अरे, असा घाबरतोस काय? हे सगळे आपलेच मित्र आहेत. सगळ्यांशी चांगली मैत्री होईल तुझी. माझी ओळख तर तुला लहानपणापासूनच आहे. अरे, मी आहे कथा. गोष्ट हे माझंच दुसरं नाव.
सुश्रुत:	आपली ओळख कशी काय?
कथा:	आईच्या, आजीच्या तोंडून इसापनीती, पंचतंत्र, अकबर-बिरबल अशा गोष्टी ऐकत ऐकत तुम्हांला मला वाचायची सवय लागते ना!
सुश्रुत:	होऽऽ आता आठवलं आजी मला नेहमी कोल्हा, उंदीर, ससा-कासव यांच्या गोष्टी सांगायची.
कथा:	बरं का सुश्रुत! आकर्षक सुरुवात आणि परिणामकारक शेवट ही माझी वैशिष्ट्ये.
सुश्रुत:	तुझे काही प्रकार असतात का? कारण आज मराठीच्या मॅडम म्हणाल्या, ‘‘आपण ‘साहस कथा’ शिकूया.’’
कथा:	अगदी बरोबर! परीकथा, बोधकथा, विज्ञानकथा, ऐतिहासिक कथा हे माझेच अनेक प्रकार आहेत. शिवाय नाटक, मालिका, चित्रपट या सर्व ललितकलांचा पाया म्हणजे मी. मूळ कथा दर्जेदार असल्याशिवाय कोणतीही कलाकृती उत्तम होऊ शकत नाही. एवढंच नाही तर उत्तम निवेदन तंत्रामुळे मी खुलत जाते, रंगत जाते किंबहुना उत्तम निवेदनतंत्राचा वापर हे माझ्या यशाचं रहस्य.
सुश्रुत:	तुला निर्माण करणाऱ्या लेखकांची नावं मला सांग ना-

२. आकृती पूर्ण करा. (2)

३. स्वमत (3)

तुम्हाला आवडलेल्या ललितकलेबद्दल तुमचे मत सांगा.

Answer 1

१. 

1.  इसापनीती, पंचतंत्र, अकबर-बिरबल अशा गोष्टी ऐकवणारी - आई व आजी
2. “आपण ‘साहस कथा’ शिकूया” म्हणणारी - मराठीच्या मॅडम

२.

३. कथेच्या पायावर आधारलेल्या ललित कलामध्ये नाटक, मालिका, चित्रपट या गोष्टी येतात. मला यातील नाटक कला आवडते. नाटक हे आपल्या डोळ्यांसमोर दिसत असल्यामुळे त्यातील प्रसंगाचे आपण चटकन आकलन करू शकतो. नाटकामध्ये विविध पात्र रचना ऐन वेळी आणता येतात. ही गोष्ट चित्रपट किंवा मालिकामध्ये करता येत नाही. तसेच नाटकाचे स्वरूप ऐन वेळी बदलू शकतो. नाटकातील संवाद हे ठासून बोलणारे किंवा चुरशीचे असतात. नाटकातील घटनांची मांडणी ओघाओघाने कथेनुसार होत असते. त्यातही आपणाला ऐन वेळी काही बदल करता येतात त्याचप्रमाणे नाटक सादर करताना ज्या ठिकाणी नाटक करावयाचे आहे तेथील परिस्थितीचा अभ्यास करून करता येतो. अशा अनेक गोष्टी नाटकामध्ये सांगता येतात. म्हणून मला नाटक आवडते.