Question

घनकचरा व्यवस्थापनामध्ये तुमचा वैयक्तिक सहभाग कसा नोंदवाल?

Answer 1

घनकचरा व्यवस्थापनामध्ये व्यक्‍तिगत पातळीवर सहभाग नोंदवताना खालील वेगवेगळ्या बाबी करता येतील:

1. कचरा कचराकुंडीतच टाकणे.
2. वस्तूंची दुरुस्ती व देखभाल करून त्यांचा अधिक काळ वापर करावा.
3. घनकचरा व्यवस्थापनात 3 ‘R’ मंत्राचा वापर करणे. कचरा कमी करणे (Reduce), कचऱ्याचा पुनर्वापर (Reuse), कचऱ्याचे पुनर्चक्रीकरण (Recycle)
4. चॉकलेट, बिस्किटे, आइस्क्रीम किंवा थंड पदार्थांचे प्लॅस्टिक आवरण रस्ता किंवा मोकळ्या जागेत न टाकता ते योग्य डब्यात टाकणे.
5. प्लॅस्टिक पिशव्यांचा वापर टाळणे व पर्याय म्हणून कापडी पिशवी, घरगुती जुन्या साड्या, बेडशीट, पडदे यापासून बनवलेल्या पिशव्यांचा वापर करणे.
6. कागदाच्या दोन्ही बाजूंवर लिहिणे. ग्रीटींग कार्डस्, गिफ्ट पेपर्सचा पुन्हा वापर करणे.
7. टिश्यू पेपरचा वापर कमी करून स्वत:जवळील हातरूमाल वापरणे.
8. शिसेयुक्त बॅटरीऐवजी रिचार्जेबल बॅटरी वापरणे.
9. घनकचरा व्यवस्थापनात स्वत:, कुटुंब व समाज यांना प्रोत्साहित करणे, प्रबाेधन करणे, विविध कार्यक्रम राबवणे.
10. वापरा आणि फेका (Use and Throw) अशा प्रकारच्या वस्तू, पेन, शीतपेयांच्या कॅन्स, टेट्रापॅक्स खरेदी करण्याचे टाळाणे.