Question

मुक्त व न्याय्य निवडणुका घेण्यासमोरील आव्हाने कोणती ते लिहा.

Answer 1

आपल्या देशाचा विस्तार व मतदारसंख्या लक्षात घेता निवडणुका घेणे हे अतिशय आव्हानात्मक काम आहे. निवडणूक आयोगाला कायद्याच्या चौकटीत राहून या आव्हानांचा सामना करावा लागतो. मुक्त व न्याय निवडणुका घेण्याबाबत निवडणूक आयोगासमोर असलेली आव्हाने पुढीलप्रमाणे:

1. आर्थिक गैरव्यवहार: निवडणुकांमध्ये होणाऱ्या आर्थिक गैरव्यवहारांमुळे मोठ्या प्रमाणावर भ्रष्टाचार होतो.
2. राजकारणाचे गुन्हेगारीकरण: काही उमेदवारांना गुन्हेगारी पार्श्वभूमी असूनही राजकीय पक्ष त्यांना निवडणूक लढण्यासाठी तिकीट देतात. असे उमेदवार निवडूनही येतात. यामुळे, राजकारणाचे गुन्हेगारीकरण होते. त्याचबरोबर निवडणूक आयोगाला मुक्त वातावरण राखण्यात अडचणी निर्माण होतात.
3. निवडणुकीमध्ये होणारी हिंसा: गुन्हेगारी पार्श्वभूमीच्या उमेदवारांना निवडणूक लढण्यासाठी तिकीट दिले जात असल्याने निवडणुकीत होणाऱ्या हिंसेत मोठ्या प्रमाणावर वाढ होते.
4. कौटुंबिक मक्तेदारी: राजकारणावर आपल्याच कुटुंबाचा प्रभाव राहावा, म्हणून राजकारणी आपल्या नातेवाईकांनाच निवडणूक उमेदवारी देण्याचा प्रयत्न करतात.