Advertisements
Advertisements
Question
चित्र पाहा. संवाद वाचा.
| आई: | अरे जॉर्डन, किती हा तुझ्या कपड्यांचा ढीग? |
| जाॅर्डन: | आई, काय करू मी या जुन्या कपड्यांचं? |
| आई: | मुळात आवश्यक आहे तेवढेच नवीन कपडे घ्यावेत. त्यांचा पुरेपूर वापर करावा. |
| जाॅर्डन: | अगं हो, पण आता काय करू ते सांग ना! |
| आई: | यातले जे कपडे वापरण्यासाठी चांगले आहेत, ते बाजूला कर. जे तुझ्या अंगाला येत नाहीत, जे फाटले आहेत ते वेगळे वेगळे कर. |
| जाॅर्डन: | आई, आपण या जुन्या कपड्यांचा पुनर्वापर करू शकतो का? |
| आई: | हो, नक्कीच. त्यासाठी आपल्यात फक्त कलात्मकता पाहिजे. |
| जाॅर्डन: | आई, काय काय बनवता येईल गं या कपड्यांचं? |
| आई: | तुला सुट्टी आहे ना आज, चल आपण दोघं मिळून बनवूया. (आई जॉर्डनला पर्स, तोरण, पायपुसणी बनवून दाखवते.) |
| जाॅर्डन: | आई, किती छान झाल्यात गं या वस्तू. खूपच छान दिसत आहेत. खरंच, आपण जुन्या कपड्यांपासून वेगवेगळ्या सुंदर वस्तू बनवू शकतो. यामुळे नक्कीच जुन्या कपड्यांचा पुनर्वापर होईल. |
जुन्या कपड्यांचे काय काय बनवता येईल, असे तुम्हांला वाटते?
Short Answer
Solution
अ. जुन्या भरजरी साड्यांपासून उश्यांचे अभ्रे, पडदे वगैरे बनवता येतील.
ब. जुन्या भरजरी साड्यांची किनार कापून, फोटो फ्रेममध्ये लावता येईल.
क. रंगीबेरंगी कपड्यांचे तुकडे कापून छान गोधडी शिवता येईल.
ड. जुने भरजरी खण, ब्लाऊजपीस इत्यादींपासून पर्स बनवता येतील.
इ. जुन्या कपड्यांपासून पायपुसणीसुद्धा बनवता येईल.
shaalaa.com
गद्य (7th Standard)
Is there an error in this question or solution?
