Question

पर्यटन क्षेत्रातील व्यावसायिक संधीविषयक चर्चा करा.

Answer 1

पर्यटन हा एक सर्वाधिक रोजगार निर्माण करणारा उद्योग आहे. व्यावसायिक पद्धतीने लक्ष पुरवले, तर पर्यटन हा कायमस्वरूपी व्यवसाय बनू शकेल व त्यात नावीन्यपूर्ण प्रयोग करण्यास खूप संधी आहेत.

पर्यटनामध्ये पुढील व्यवसायांचा समावेश होतो.

१. हॉटेल: पर्यटकांसाठी चहापान, उत्तम जेवणाची सोय, उत्तम दर्जाची निवासस्थाने, स्वच्छतागृहे इत्यादी सोयी करणे.

२. दुभाषी व मार्गदर्शक: परदेशी पर्यटकांसाठी त्यांचा दुभाषी किंवा मार्गदर्शक म्हणून काम करणे.

३. सहल आयोजन: पर्यटकांच्या सहलींचे आयोजन करणे हादेखील या व्यवसायाशी संबंधित व्यवसाय आहे.

४. स्थानिक पातळीवरील व्यवसाय: वर्तमानपत्रे किंवा इतर संदर्भसाहित्याची विक्री करणे. शिवाय, हस्तोद्योग किंवा कुटीरोद्योगाच्या माध्यमातून हस्तकौशल्याच्या वस्तू बनवून विकणे, पर्यटकांना फोटो काढून देणे, घोडागाडी किंवा तत्सम वाहनांतून फेरफटका मारणे, पर्यटकांची वाहनांतून इच्छित स्थळी ने-आण करणे. यांमुळे स्थानिक स्तरावर रोजगार निर्मिती होते.