Question

‘स्वप्नातही दिसणार नाही असे जलामृत आपल्या अंगणात आलेले पाहून सक्करकरांच्या डोळ्यांत आनंदाचे पाणी आले’, या वाक्याचा भावार्थ स्पष्ट करा.

Answer 1

सक्कर नगरपाल्लिकेने गावाला पाणीपुरवठा करण्यासाठी सिंधू नदीच्या किनाऱ्याजवळीलं एका डोंगरावर एक जलाशय बांधला होता. नदीचे पाणी पंपाने खेचून त्या जलाशयात साठवले जाई. प्रचंड खर्चामुळे पाणी फिल्टर करणे नगरपालिकेला झेपत नव्हते. यामुळे वाळू मिश्रित गढूळ पाणी नागरिकांना पुरवले जाई. सक्करवासीयांना असे गढूळ पाणी सोसवत नव्हते. अशा परिस्थितीत विश्वेश्वरय्या यांनी हे आव्हान स्वीकारले त्यांनी अत्यंत कमी खर्चात नदीच्या काठाजवळ पात्रात एक खोल विहीर खोदली. विहिरीच्या तळापासून नदीच्या प्रवाहापर्यंत एक बोगदा खणला. यामुळे नैसर्गिक पद्धतीने विहिरीमध्ये स्वच्छ व शुद्ध पाणी साचू लागले. त्यामुळे सक्करकरांची घाणेरड्या पाण्यापासून मुक्तता झाली. स्वप्नातही दिसणार नाही असे जलामृत आपल्या अंगणात आलेले पाहून सक्करकरांच्या डोळ्यांत आनंदाचे पाणी आले.