Question

तुम्हांला आवडलेल्या कोणत्याही एका साहित्यप्रकाराची वैशिष्ट्ये तुमच्या शब्दांत लिहा.

Answer 1

मराठी भाषा विविध साहित्यप्रकारांनी नटलेली आहे. सर्व साहित्यप्रकारांतील ‘कविता’ हा साहित्यप्रकार माझ्या विशेष आवडीचा आहे. आकाराने लहान असूनही मोठा विचार व्यक्त करण्याचा, मोजकेच; पण योग्य शब्द वापरून अर्थ सांगण्याचा तिचा गुण मला आवडतो. दर वेळी जेव्हा मी कविता वाचतो तेव्हा नवे काहीतरी सापडल्याचा आनंद होतो. त्यात वापरलेले अलंकार, नाद निर्माण करणारे शब्द हे कवितेला साैंदर्य प्राप्त करून देतात. विविध कल्पना, भावना, विचार यांचे आविष्कार कवितांमधून चटकन वाचकांपर्यंत पोहोचतात. काही कवितांना चाल लावून त्यांचे गाण्यांमध्येही रूपांतर झालेले दिसते. मनातील भावना नेमकेपणाने व्यक्त करण्याचा गुण कवितेला इतर साहित्यप्रकारांहून वेगळा ठरवतो. त्यामुळे, मला कविता हा काव्यप्रकार फार आवडतो.