Question

चित्र पाहा. संवाद वाचा.

नीता:	आजी हे बघ, नदीतलं पाणी दिसतच नाही.
आजी:	हो, नदीत जलपर्णी उगवली आहे.
नीता:	जलपर्णी म्हणजे काय गं आजी?
आजी:	पाण्यात उगवणारी वनस्पती.
नीता:	ती पाण्यात का उगवते?
आजी:	पाणी अशुद्ध, प्रदूषित झालं की उगवते.
नीता:	आजी, आपल्यामुळेच नदीचं पाणी प्रदूषित झालयं ना!
आजी:	हो, माणसांच्या वाईट सवयींमुळे नदीची हानी होत आहे. शहराच्या सांडपाण्यातून, रासायनिक खतांचा वापर केलेल्या शेत जमिनीतून झिरपणाऱ्या पाण्यातील किंवा कारखान्याच्या सांडपाण्यातील नायट्रोजन व फॉस्फरस ही द्रव्ये पाण्यात मिसळली की जलपर्णी वाढते. जलपर्णीची वाढ ही खऱ्या अर्थाने जलप्रदुषणाची निदशर्क आहे.
नीता:	अरेरे! आजी, आता याजलपर्णीचं काय करायचं?
आजी:	पाणी दूषित होणार नाही याची काळजी घ्यायची.

नदीचे पाणी कशामुळे प्रदूषित होते?

Answer 1

नदीचे पाणी माणसाच्या वाईट सवयींमुळे प्रदूषित होते. शहरातून सोडले जाणारे सांडपाणी, रासायनिक खतांचा वापर केलेल्या शेतजमिनीतून झिरपणारे पाणी किंवा कारखान्याच्या सांडपाण्यामधील नायट्रोजन व फॉस्फरस या द्रव्यांमुळे नदीचे पाणी प्रदूषित होते.