Question

परिसरात उपलब्ध असणारी एकबीजपत्री व द्विबीजपत्री वनस्पती मूळासहित उपलब्ध करून दोन्ही वनस्पतींचे काळजीपूर्वक निरीक्षण करून त्यांचे संपूर्ण रेखाटन करा व तुमच्या शब्दात वैज्ञानिक भाषेत परिच्छेद लिहा.

Answer 1

(1) जास्वंद (द्‌विबीजपत्री वनस्पती)

• मूळ: ठळक, प्राथमिक मूळ - सोटमूळ या प्रकारातील मुळे.
• पाने: साधी, जाळीदार शिराविन्यास असलेली पाने.
• फुले: देठ असलेली, पूर्ण, द्विलिंगी, पंचभागी.
• निदलपुंज: पाच हिरव्या रंगाच्या निदलांचा एकमेकांना बद्ध असलेला निदलपुंज.
• दलपुंज: पाच लाल रंगाच्या सुट्या पाकळ्यांचा दलपुंज
• पुमंग/पुंकेसर: पुंकेसर, परागकोश आणि वृंत यांचा बनलेला आहे. अनेक पुंकेसर एकत्र येऊन परागनलिका तयार होते. परागकोशाची रचना द्विपाळी असून वृक्काच्या आकाराचे परागकोश वुंताच्या टोकावर दिसतात.
• जायांग/स्त्रीकेसर: कुक्षी, कुक्षीवृंत आणि अंडाशवापासून स्त्रीकेसर बनलेला असतो. 5 स्त्रीकेसर दिसून येतात.

(2) कांदा : (एकबीजपत्री वनस्पती)

कांद्याचे रोप छोटे असून त्याचा कंद भूमिगत असतो.

• मूळ: तंतुमय मुळे.
• खोड: भूमिगत, कंदाच्या स्वरूपात.
• पाने: पोकळ नलिकेसमान, पात्यासारखी.
• फुले: पूर्ण व द्विलिंगी, निदलपुंज व दलपुंज दोन्ही एकाच परिदलपुंज या स्वरूपात. प्रत्येकी 3 याप्रमाणे दोन थरांत त्यांची रचना.
• पुमंग/पुंकेसर: परिदलपुंजांवर चिकटलेले 6 पुंकेसर.
• जायांग/स्त्रीकेसर: त्रिभागी, अंडाशय वरच्या पातळीवर.