Question

पुढील विधान सकारण स्पष्ट करा.

पर्यटनामुळे त्या ठिकाणाच्या अर्थव्यवस्थेला चालना मिळते.

Answer 1

१. परदेशी पर्यटकांकडून मिळालेल्या व्हिसा फी द्वारे देशाला महसूल प्राप्त होतो. म्हणजेच, पर्यटक येण्याआधीपासूनच भेट देणाऱ्या देशाला उत्पन्न मिळण्यास सुरुवात होते.

२.. याव्यतिरिक्त, पर्यटनादरम्यानच्या प्रत्येक गोष्टी जसे प्रवास, हॉटेलमध्ये राहणे, खाणे, दुभाषाची मदत घेणे, संदर्भसाहित्य व वर्तमानपत्र विकत घेणे, तसेच आठवण म्हणून स्थानिक वस्तूंची खरेदी करणे या सर्वांकरता पैसे खर्च करावे लागतात.

३. यामुळे, स्थानिक रोजगाराची संधी वाढते. या सर्व गोष्टींची देशाच्या उत्पन्न वाढीसाठी मदत होते आणि देशाच्या अर्थव्यवस्थेच्या विकासावर प्रभाव पडतो.

अशाप्रकारे, पर्यटनामुळे त्या ठिकाणाच्या अर्थव्यवस्थेला चालना मिळते.