Question

शास्त्रीय कारणे लिहा.

जलविद्युत उर्जा, सौर ऊर्जा आणि पवन ऊर्जा यांना नूतनीकरणक्षम ऊर्जा म्हणतात.

Answer 1

1. ज्या ऊर्जास्त्रोतांची निसर्गामध्ये सतत निर्मिती (उत्पादन) होत असते व जे अक्षय्य असतात, तसेच वापरासाठी सदैव उपलब्ध असतात अशा ऊर्जास्त्रोतांना नूतनीकरणक्षम ऊर्जास्रोत म्हणतात.
2. जलविद्युत ऊर्जा, सौर ऊर्जा आणि पवन ऊर्जा या अनुक्रमे वाहते पाणी, सूर्यप्रकाश आणि वारा यांच्या मदतीने तयार केल्या जातात. हे ऊर्जास्रोत, म्हणजे जलसाठा, वेगात वाहणारा वारा, सूर्यप्रकाश शाश्वत आहेत म्हणजेच कधीही न संपणारे आहेत.
3. याउलट कोळसा, नैसर्गिक वायू, खनिज तेल यांचे साठे मर्यादित असून अजून काही वर्षांनी ते संपुष्टात येतील. ते परत मिळवता येणार नाहीत.
4. जलविद्युत ऊर्जा, सौर ऊर्जा आणि पवन ऊर्जा या मात्र शाश्वत असल्याने परत मिळवता येतात. म्हणून त्यांना नूतनीकरणक्षम ऊर्जा म्हणतात.