Question

खालील मध्ये फरक स्पष्ट करा:

आधुनिकीकरण आणि जागतिकीकरण

Answer 1

अ. क्र.	आधुनिकीकरण	जागतिकीकरण
1.	आधुनिक विज्ञानाचे मानवी व्यवहारातील उपयोजन म्हणजे आधुनिकीकरण.	वेगवेगळ्या देशांतील अर्थव्यवस्था, संस्कृती, आणि तंत्रज्ञानाच्या देवाणघेवाणीमुळे जग एकमेकांशी जोडले जाते.
2.	विज्ञाननिष्ठता म्हणजे कोणत्याही गोष्टीचे आकलन आणि स्पष्टीकरण करण्याची वैज्ञानिक पद्धती होय.	जागतिकीकरणामुळे उत्पादनात वाढ झाली आहे. यामुळे मोठ्या प्रमाणात बाजारपेठेचा विस्तार झाला आहे.
3.	आधुनिकीकरणामुळे मूल्यपद्‌धती, श्रदधाप्रणाली आणि वर्तणुकीसंबंधीचे संकेत यांमध्ये बदल घडून आला आहे.	जागतिकीकरणामुळे ज्ञान, तांत्रिक कौशल्य, मनुष्यबळ आणि अन्य संसाधनांची देवाणघेवाण विविध राष्ट्रांमध्ये होत आहे.
4.	समस्यांच्या निराकरणासाठी नवीन कल्पनांचे स्वागत करणे, उपलब्ध पर्यायांची पडताळणी करणे, नवीन मार्ग चोखाळणे, नवनिर्मितीच्या मार्गांचा शोध घेणे अशा गोष्टी स्वेच्छेने स्वीकारणे आवश्यक असते.	जागतिकीकरण संसाधनांच्या वाटणीवर आधारित आहे. 'बाह्यस्रोतांचा वापर' या संकल्पनेशी आपण परिचित आहोत. त्यामुळे लोक भौगोलिक सीमा ओलांडून कार्य करतात.
5.	आधुनिकीकरण असल्याचा दावा करणारे लोक दैनंदिन घटना, साहित्य, कला, संस्कृती, परंपरा आणि श्रद्धा यांचे चिकित्सक दृष्टीकोनातून परीक्षण करतात.	जागतिकीकरणामुळे सर्व लोक आणि राष्ट्रे एकमेकांवर अवलंबून राहिली आहेत.