Question

(मातीची सावली) पाठात व्यक्त झालेल्या फरसूच्या विचारांबाबत तुमचे मत स्पष्ट करा.

Answer 1

फरसू एक कठोर परिश्रम करणारा गरीब शेतकरी होता. त्याची आणि त्याच्या पत्नीची शेतातील कष्टाची कहाणी अत्यंत प्रेरणादायी होती. फरसू या मातीशी असलेल्या नात्यातच खरी मानवता असल्याचं मानत होता. त्याचे जमिनीवर आणि झाडांवर अत्यंत प्रेम होते. त्याचा दृढ निश्चय होता की, जोपर्यंत शेवटचा श्वास आहे तोपर्यंत जमिनीची सेवा करणे आणि झाडांना नष्ट न करणे. हा विचार अनेक शेतकऱ्यांचा पारंपरिक दृष्टिकोन आहे. मला हा विचार अत्यंत महत्त्वपूर्ण वाटतो. आजकाल शिक्षणाच्या प्रसारामुळे अनेक लोक पांढरपेशे बनत चालले आहेत. बरेच जण कष्ट करायला मागत नाहीत. शेती आणि झाडांची किंमत कमी समजली जाते आणि कोणत्याही कारणासाठी झाडे सहज तोडली जातात. पर्यावरणाचे नुकसान होत आहे. नद्या प्रदूषित झाल्या आहेत. नद्या प्रदूषित होऊन त्यांची गटारे झाली आहेत. जमिनीपासून, शेतीपासून माणसे दूर जात आहे आणि त्यामुळेच त्याचे निसर्गापासूनचे देखील नाते तुटत चालले आहे. यामुळे माणूस स्वत:चेच जीवन धोक्यात आणीत आहे. यातून बाहेर पडायचे असेल तर फरसूचा दृष्टिकोन अंगीकारला पाहिजे.