Question

खालील विधानाशी आपण सहमत आहात की नाही ते सकारण स्पष्ट करा:

निर्देशांकाचे अनेक प्रकार आहेत.

Options

• सहमत

• असहमत

Answer 1

मी दिलेल्या विधानाशी सहमत आहे.

स्पष्टीकरण:

निर्देशांकाचे अनेक प्रकार आहेत. निर्देशांक म्हणजे एका ठराविक कालावधीत चलामधील बदल (किंवा चलाच्या समुदायामधील बदल) मोजण्यासाठीचे एक साधन होय.

1. किंमत निर्देशांक: हे वस्तूच्या किमतीतील सामान्य बदलाचे मापन करते. ते दोन भिन्न कालावधी दरम्यान किमतीच्या पातळीची तुलना करते.
2. संख्यात्मक निर्देशांक: याला प्रमाणबद्ध निर्देशांक असेही म्हणतात. अर्थव्यवस्थेच्या उत्पादनातील किंवा उत्पादनाच्या भौतिक प्रमाणातील बदल मोजते. उदा., कृषी उत्पादन व औद्योगिक उत्पादनाच्या परिमाणात काही कालावधीत झालेला बदल. 
3. मूल्य निर्देशांक: वस्तूचे मूल्य म्हणजे किंमत व परिमाण यांचा गुणाकार होय. (p × q) मूल्य निर्देशांक हा चलाच्या मूल्यातील बदलाचे रुपयाच्या स्वरूपात मोजमाप करतो. हा निर्देशांक किंमत आणि परिमाण या दोन्हींतील बदलाचे एकत्रीकरण करतो. त्यामुळे तो अधिक माहितीपूर्ण आहे.
4. विशिष्ट हेतू निर्देशांक: काही विशिष्ट हेतूने हे निर्देशांक तयार केले जातात. उदा. आयात निर्यात निर्देशांक, श्रम उत्पादकता निर्देशांक, शेअर किमतीचा निर्देशांक इत्यादी.