Question

'पती निधनानांतर आपण सैन्यात भरती व्हायचं', स्वाती महाडिक यांच्या या निर्धारातून समाजाला काय संदेश मिळतो, ते तुमच्या शब्दांत लिहा.

Answer 1

'वीरांगना' या पाठात महाराष्ट्रातील कन्या लेफ्टनंट स्वाती महाडिक यांचा भावनिक वीरपत्नी ते सज्ज वीरांगना असा धाडसी, प्रेरणादायी आणि थक्क करणारा जीवनप्रवास उलगडला आहे. दहशतवाद्यांशी लढताना वीरमरण पत्करणाऱ्या आपल्या पती कर्नल संतोष महाडिक यांचे पहिले प्रेम 'भारतीय सैन्यदल आणि त्याची वर्दी' असल्याचे स्वाती यांना चांगलेच माहीत होते. पतीच्या अकाली निधनानंतर त्यांनी आपल्या अमर्याद दु:खाला बाजूला ठेवून पतीचे भारतमातेची सेवा करण्याचे व्रत स्वतः स्वीकारले. देशसेवेसाठी जीवन समर्पित करणाऱ्या पतीचे स्वप्न पूर्ण करण्यासाठी त्यांनी अपार मेहनतीने लेफ्टनंटपद प्राप्त केले. दु:खाचा डोंगर कोसळूनही त्यांनी अचल वृत्तीने तत्त्वनिष्ठा जपली आणि पतीप्रमाणे देशसेवेच्या मार्गावर पाऊल ठेवले. स्वाती महाडिक यांचा हा निर्धार समाजासाठी अत्यंत प्रेरणादायी आहे. त्यांच्या या कृतीतून वैयक्तिक दु:खापेक्षाही देशप्रेम किती मोठे आहे, याचा संदेश त्यांनी दिला आहे. त्याचबरोबर, पुरुषप्रधान संस्कृतीत अनेक महिलांना सैन्यदलात सामील होण्यासाठी प्रेरणा देण्याचे महत्त्वपूर्ण कार्य त्यांनी केले आहे.