Question

पुरवठा नियमाची गृहीतके सविस्तर स्पष्ट करा.

Answer 1

पुरवठ्याचा नियम हा खालील गृहीतकांवर आधारित आहे.

1. स्‍थिर उत्‍पादन खर्च: उत्‍पादन खर्चात बदल होत नाही असे गृहीत धरले आहे. कारण उत्‍पादन खर्चातील बदलामुळे विक्रेत्‍याच्या नफ्यात बदल होईल आणि त्‍याच किमतीला पुरवठा कमी केला जाईल.
2. स्‍थिर उत्‍पादन तंत्र: उत्‍पादन तंत्रात बदल होत नाही असे गृहीत धरले आहे. सुधारित तंत्रामुळे उत्‍पादनात वाढ होते. त्‍याच किमतीला पुरवठा वाढतो.
3. हवामानाच्या स्‍थितीत बदल नाही: हवामानाच्या स्‍थितीत बदल होत नाही हे गृहीत धरले आहे. पूर, भूकंप, दुष्‍काळ अशा नैसर्गिक आपत्‍तींमुळे पुरवठा घटू शकतो.
4. सरकारी धोरणात बदल नाही: सरकारच्या व्यापार विषयक व कर विषयक धोरणात कोणताही बदल होत नाही असे गृहीत धरण्यात आले आहे.
5. वाहतूक खर्चस्‍थिर: वाहतूक खर्च व वाहतूक सुविधा यांत कोणताही बदल होत नाही, असे गृहीत धरण्यात आले आहे. उदा., चांगल्‍या वाहतूक सुविधांमुळे किंमत तीच असताना पुरवठ्यात वाढ होईल.
6. इतर वस्‍तूंच्या किमती स्‍थिर: इतर वस्‍तूंच्या किमती स्‍थिर आहेत असे गृहीत धरण्यात आले आहे. जर इतर वस्‍तूंच्या किमतीत बदल झाला तर उत्‍पादक उत्‍पादन घटकांचा वापर इतर वस्‍तूंच्या उत्‍पादनासाठी करेल.
7. भविष्‍यकालीन किमतीचा अंदाज नाही: भविष्‍यकाळात वस्‍तूंच्या किमतीत होणाऱ्या बदला विषयी उत्‍पादक विक्रेत्‍याला कोणताही अंदाज करता येत नाही, असे गृहीत धरण्यात आले आहे.