Question

क्षेत्रभेटी वेळी नदी प्रदूषण होऊ नये म्हणून तुम्ही कोणते उपाय सुचवाल?

Answer 1

नदीचे पाणी प्रदवूषत होऊ नये, म्हणून पुढील उपाय करता येतील:

1. सार्वजनिक तलाव, नद्या, विहिरी, व इतर पाणीसाठ्यांजवळ केरकचरा टाकू नये.
2. घरातील सांडपाणी, तसेच कचरा हे नदी, तलाव आणि इतर जलस्रोतात सोडू नये.
3. दूषित पाण्यावर शुद्धीकरण करून ते पाणी झाडांसाठी किंवा इतर कामासाठी वापरता येईल.
4. नदी खोऱ्यांच्या प्रदेशात असणाऱ्या कारखाने व उद्योगांमधील सांडपाणी नदीमध्ये सोडण्यापूर्वी त्यांच्यावर प्रक्रिया करणे बंधनकारक केले पाहिजे.
5. जनावरांनी पाण्यात आंघोळ केल्याने जंतूंचा प्रादुर्भाव होण्याची शक्यता असते, त्यामुळे पाणी प्रदूषित होते, त्यामुळे नदी, तलावात जनावरांना आंघोळ करण्यास बंदी घालण्यात यावी.
6. 'राष्ट्रीय नदी संवर्धन योजना' अंतर्गत देशातील अनेक नद्यांच्या पुनरुज्जीवनाकरता शासकीय पातळीवर निधी निश्चित केला पाहिजे. तसेच, निर्माल्यदेखील नदीच्या पाण्यात टाकले जाऊ नये, म्हणून नदीकिनारी मोठ्या कुंभाची सोय केली पाहिजे.
7. स्थानिक स्तरावरही प्रदूषणास कारणीभूत ठरणाऱ्या सांडपाण्यासंदर्भात शासनाने नियम केले पाहिजे.

   तसेच, शेतीमध्ये रासायनिक खते व कीटकनाशकांऐवजी सेंद्रिय शेतीवर भर देण्यासाठी शासनाने प्रोत्साहन दिले पाहिजे.