Question

खालील फरक स्पष्ट करा:

अंतिम लाभांश आणि अंतरिम लाभांश

Answer 1

	मुद्दे	अंतिम लाभांश	अंतरिम लाभांश
१.	अर्थ	अंतिम लाभांश आर्थिक वर्षाच्या समाप्तीनंतर घोषित केला जातो व वाटप केले जाते.	अंतरिम लाभांश, दोन वार्षिक सभांच्या मधल्या काळात घोषित केला जातो व दिला जातो.
२.	कोण जाहीर करतो?	अंतिम लाभांश संचालक मंडळ शिफारस करते व भागधारक वार्षिक सर्वसाधारण सभेत घोषित करतात.	संचालक मंडळाच्या सभेत संचालक मंडळ निर्णय घेते व घोषित करते.
३.	अधिकृतता/अधिकृत परवानगी	अंतिम लाभांश घोषित करण्यासाठी नियमावलीच्या तरतुदींची/अधिकारपत्राची आवश्यकता नाही.	नियमावलीने दिलेल्या अधिकारानुसार अंतरिम लाभांश घोषित केला जातो.
४.	केव्हा घोषित केला जातो?	कंपनीच्या वार्षिक सर्वसाधारण सभेमध्ये घोषित केला जातो.	दोन वार्षिक सभांच्या मधल्या काळात घोषित केला जातो.
५.	लाभांश दर	अंतिम लाभांश दर अंतरिम लाभांश दरापेक्षा जास्त असतो.	अंतरिम लाभांशाचा दर अंतिम लाभांश दरापेक्षा कमी असतो.
६.	स्त्रोत	अंतिम लाभांश जाहीर करण्यासाठी वेगवेगळ्या स्रोताचा अवलंब केला जातो. आर्थिक वर्षाच्या नफ्यातून, संचित राखीव निधीतून, भांडवली नफ्यातून, केंद्र सरकारने लाभांश वाटपासाठी पुरविलेल्या निधीतून.	चालू आर्थिक वर्षातील आवश्यक नफा प्राप्ती उपलब्ध असल्यास अंतरिम लाभांश जाहीर केला जातो.
७.	लेखासंबंधी बाबी	हा अंतिम लेखे तयार केल्यानंतर जाहीर केला जातो.	कंपनीचे अंतिम लेखे तयार करण्यापूर्वी जाहीर केला जातो.