Question

खालील फरक स्पष्ट करा:

रस्ते वाहतूक आणि रेल्वे वाहतूक

Answer 1

	रस्ते वाहतूक	रेल्वे वाहतूक
वेग:	रस्ते वाहतुकीचा वेग हा रस्त्यांच्या स्थितीमुळे अपघातामुळे हा धीमा असतो.	रेल्वे वाहतुकीचा वेग हा तुलनेने जास्त असतो.
वहन-क्षमता:	रस्ते वाहतुकीमध्ये वाहनांसाठी मर्यादित क्षमता असते.	रेल्वे वाहतुकीमध्ये जास्त वहन क्षमता असते.
गुंतवणूक मूल्य:	रस्ते बांधणी, वाहने आणि त्यांची देखभाल या दृष्टीने मर्यादित गुंतवणूक असते.	रेल्वे वाहतुकीमध्ये लोहमार्ग उभारणी, गाडीचे डबे यासाठी जास्त गुंतवणूक लागते. याचबरोबर या सर्वाचा देखभाल खर्चदेखील जास्त असतो.
अंतर:	कमी अंतरासाठी योग्य आहे.	रेल्वे वाहतूक कमी तसेच अधिक अंतरासाठी योग्य आहे.
शुल्क:	वाहतुक शुल्क निश्‍चित नसते परंतु इंधनातील किंमतीच्या चढउतारामुळे सामान्यपणे जास्त असते.	अंतराप्रमाणे शुल्क निश्‍चित व कमी असते.
घरपोच सुविधा:	घरपोच सुविधा उपलब्ध होते.	घरपोच सुविधा उपलब्ध नसते.
वाहतुकीची साधने:	रस्ते वाहतुकीसाठी प्राणी चलीत, गाडया, मोटार वाहन, चारचाकी /दुचाकी यांचा समावेश होतो.	रेल्वे वाहतुकीमध्ये सामान्यतः प्रवासी गाडया व मालवाहू गाडया यांचा अंतर्भाव होतो.
सुयोग्यता:	कमी अंतरावर हलक्या/ कमी वस्तू वाहून नेण्यासाठी सुयोग्य आहे.	अवजड वस्तू लांब पल्ल्याच्या अंतरावर वाहून नेण्यासाठी रेल्वे वाहतूक सुयोग्य आहे.
सुरक्षितता:	उन, वारा, पाऊस यापासून कमी संरक्षण मिळते.	बंद डब्यांमधून मालाची वाहतूक होत असल्याने उन, वारा, पाऊस यापासून संरक्षण मिळते.
अपघात:	रस्ते वाहतुकीत कमी सुरक्षितता असते.	अपघातांची संख्या एकल मार्ग आणि अद्यायावत सूचना प्रणाली यामुळे मर्यादित असते.
मालकी:	रस्ते वाहतूक खाजगी तसेच सरकारी मालकीची असते.	सामान्यत: रेल्वे वाहतूक संपूर्णपणे सरकारी मालकीची आहे.