Question

‘स्वत:चे सामर्थ्य देशहितासाठी वापरा’ याविषयीचे तुमचे विचार स्पष्ट करा.

Answer 1

आपल्या देशात युवाशक्तीचे प्रमाण मोठे आहे. त्याचा उपयोग योग्य पद्धतीने देशकार्यासाठी केल्यास, आपला देश अधिक मजबूत होईल. प्रत्येकाकडे एक सकारात्मक शक्‍ती व ऊर्जा असते. या शक्तीचा वाईट हेतूंसाठी अतिवापर झाल्यास आपले नुकसान होते; तसेच आपल्या सामाजिक शक्तीचा देखील तोटा होतो. दंगल, संघर्ष किंवा वाद यांसारख्या प्रतिकूल कामांवर शक्ती खर्च करणे हे शहाणपणाचे लक्षण नाही. हीच शक्‍ती देशकार्य, देशहित यांकडे वळवणे अत्यंत आवश्यक आहे. उद्याचा शक्तिशाली भारत घडवण्यासाठी स्वत:ची शक्ति देशहितासाठी वापरणे हेच योग्य आहे.