Question

खालील अपठित उताऱ्याचा 1/3 एवढा सारांश लिहा.

मानवी जीवनविकासात शिक्षणाला महत्त्वपूर्ण स्थान आहे. शिक्षण मानवाच्या मानसिक व बौद्धिक शक्तींचा विकास करते. शिक्षणाशिवाय माणूस पशूसमान होतो. स्त्री आणि पुरुष या दोघांनीही शिक्षण घेणे अत्यंत आवश्यक आहे. जर स्त्रियांना शिक्षण देण्यात आले नाही, तर अर्धा अधिक समाज मागासलेला राहील. आजकाल जगातील पुष्कळशा भागांत आपणांस स्त्री शिक्षणाचे चांगले परिणाम दिसून येतात. परिणामत: पुष्कळ वाईट रीतिभाती आणि अंधश्रद्धा समाजातून वेगाने नाहीशा होत आहेत. राष्ट्रीय विकासाच्या प्रत्येक क्षेत्रात आज स्त्रिया पुरुषांच्या बरोबरीने काम करीत आहेत आणि त्यांच्या बरोबरीनेच जबाबदारीच्या कामात त्यांना मदत करीत आहेत.

Answer 1

शिक्षणामुळे मानवी जीवन विकसित होते आणि मानसिक, बौद्धिक क्षमता वाढतात. शिक्षणाशिवाय माणूस पशूप्रमाणे असतो. स्त्री-पुरुष दोघांसाठी शिक्षण आवश्यक आहे. स्त्रियांना शिक्षण न मिळाल्यास समाजाचा अर्धा भाग मागासलेला राहतो. स्त्री शिक्षणामुळे अंधश्रद्धा आणि वाईट रीतिरिवाज नाहीसे होत आहेत. स्त्रिया आज राष्ट्रीय विकासाच्या प्रत्येक क्षेत्रात पुरुषांच्या बरोबरीने काम करत आहेत.