Question

खालील मुद्द्यांच्या आधारे ‘मुलाखतीच्या समारोपाचे महत्त्व’ सांगा:

योग्य समारोप ______ वेळेचे भान ______ थांबणे म्हणजे कळसाध्याय ______ अनपेक्षित व समर्पक समारोप ______ यशस्विता ______ श्रोत्यांचा प्रतिसाद.

Answer 1

मुलाखतीची सुरुवात जेवढी आकर्षक अपेक्षित असते तेवढीच समारोपसुद्धा परिणामकारक असणे गरजेचे असते. इतका वेळ कसे अगदी छान जुळून आले, पण आता कुठेतरी थांबायला हवे; हे थांबणे म्हणजे कळसाध्याय आहे असा शब्दांचा वापर करत मुलाखतकाराने आपले संपूर्ण भाषिक कौशल्य पणाला लावायचे असते. याबरोबरच श्रोत्यांना ‘अरेच्या, फारच लवकर संपली मुलाखत!’ असे वाटायलां लावणारी समारोप करायचा असतो. मुलाखतीच्या समारोपाच्या टप्प्यावर मुलामखतीचा अर्क रसिकांसमोर मांडता यायला हवा. मुलाखतीचा शेवट सकारात्मक सूत्रावर करणे योग्य ठरते. मुलाखतीच्या या टप्प्यावर रसिकांना/श्रोत्यांना मुलाखतीत सहभागी करून घेता येऊ शकते.

मुलाखत योग्य वेळी आणि योग्य ठिकाणी संपवावी. मुलाखत आता संपले याचा जराही अंदाज श्रोत्यांना आलेला नसतो अशावेळी अनपेक्षितपणे ती संपवावी. अजून हवीहवीशी वाटत असताना ती संपवावी परंतु ती अपूर्णच, अर्धवट राहिली अशा स्थितीतही संपवू नये. श्रोत्यांना भरभरून मिळाल्यांचे समाधान मिळावेच पण अजून थोडा वेळ हे असेच मिळत राहिले असेते तरी चालले असते असेही वाटायला लावणारा समारोप हा उत्तम समारोप असतो.

समारोपात मुलाखतकाराचा रसिकांसोबत/श्रोत्यांसोबत झालेला संवाद अविस्मरणीय ठरला पाहिजे.